oleh

Banyak Kanti

KALU ramah, mudah senyum, recak atau mudah begaul pasti banyak kanti, mak ibarat Wak Barab banyak kanti, walaupun lah tue, tapi kantinye banyak budak mude. Hebat kanti sikok tu.

Banyak kanti banyak rezeki itulah prinsip hidup rombongan Wak Barab, jangan banyak musuh bakalan rezeki  serat. Sebab tuhan be dak setuju kalu banyak musuh ape lagi manusie.

“Kite di dunie ni nak banyak kanti, supeye banyak yang memdoake kite, sape bae ajak bekanti, cuma jangan be bekanti dengan macan diterbabnye sisip dikit, tapi kalu bekanti dengan Macan (mama cantik) tambah banyak lokak,” uji Wak Barab.

Rupenye kanti Wak Barab sikok tu memang banyak bekanti dengan Macan. “Care kite, tak pacak nak diturut urang, kite banyak manggung, jadi banyak kanti biduan, kiri kanan kadang tu biduan dampingi kite waktu  jadi MC. Itulah untungnye jadi urang baek. Biduan be dekat dengan kite,” timpal mang Zul kanti lame Wak Barab.

Langsung tetawe Wak Barab. “Bew, pantas be mude terus, perawakan dan gaya pecak budak umur 45 taun, tapi umur tak pacak dibohongi kanti, lah lisut gale bekakas tu, jangan-jangan lah telentok pule,” kelakar Wak Barab.

Lang sung Wak Uban nangkap omongan kantinye. “Namenye bekakas tue tu kanti, dak pacak lagi distarter, paling pacak ngengkol be, itupun kalu maseh pacak idup,” kelakar Wak Uban.

Dijawab langsung oleh Mang Zul. “Itu tegantung dengan suasana kanti, kalu strategis bagus, die pacak distanter, jangan kalah dengan budak mude,” Uji Mang Zul, ngakak sambil belari.(mang mukri)

Komentar

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Berita Lain-nya