oleh

Bebage Lokak

PETANTANG petenteng bejalan mawak tas, datang-datang trompak masuk, dak lagi Asalamualauikum, cak hebat nian. Cacam kanti ye.

Temangu be, rombongan tu nyelekke tamu wara-wiri keluar masuk. Tapi kadangtu ade juge tamu yang aneh. Sambil betanye, nyegak pule, tegak-tegek tangan di pinggang cak kepakaman.
“Macam-macam be gawe urang ni, dilayani nak nyegak, Tak dilayani ujunye sombong, sambil betekan pinggang pule, awak perlu dengan urang,” uji kanti Wak Barab yang skuriti tu.
Tesenge be Wak Uban. “Itulah care urang kanti, kadang ade yang nyegak, ade yang ramah, ade juge nyelonong be, tapi ade juge kadang tu merek lokak duet ijo untuk belanje rokok,” uji Wal Uban.
Wak Barab memang agak paham care urang beurusan. “Kadangtu, urang beurusan tu kepeningan, belum sudah urusan sikok, ditimpali lagi urusan yang baru, jadi palaknye pening, nak minum ubat katek jualannye, nak besuntik katek dokter,” uji Wak Barab.
Memang ngakui Wak Uban. “Sisip dikit balek katek hasil, sampe di rumah dimarahi bini pule, anak nak belanje duet katek, mulut masam nak ngudut, duet cuma pas-pasan pule,” uji Wak Uban.
Tetawe wak Barab nengarnye. “Makenye segale gawe tu nak sobar,  nak ikhlas, nak tenang, supaye urusan lancar. Jangan kapan sudah berurusan cuma ngucapke terima kaseh be, tak pacak melanjekenye. Agak selipke ke dikit amplop supaye lancar,” uji wak Barab ngajari buaye berenang.
Setuju nian wak Uban nengar amplop tu. “Beurusantu tak pacak cuma ngandalke liur basi kanti, sekali due kali diurusi urang, ketige kalinye urang lesu. Anggaplah bebage lokak, sebab tuhan nurun ke rezeki bukan hak kite dewek, ade hak urang laen, supaye rezeki betambah,” ceramah Wak Uban mak ustad kondang. (Mang Mukri) 
BACA JUGA :  SDN 23 Talang Kelapa Terima Bantuan Buku

Komentar

Tinggalkan Balasan

Alamat email Anda tidak akan dipublikasikan.

Berita Lain-nya