oleh

Beroyot Kite Gale

KAPAN dikeruan ke Wak Barab Cs, rupenye beroyot gale, di Plembang, di Jakarta, di Kalimantan, di provinsi mane be banyak beroyot beranak bepinak didaerah urang. Cacam kantinye.

Kapan bekeruanan rupenye keluarga gale mulai dari jadi pengacara, jadi plisi, jadi pegawai, jadi pejabat, jadi preman, jadi bandar, jadi penjahat, rupenye kapan dilurui keluarga gale.

“Itulah kanti lemaknye, kalu urang kita ade gale dimane-mane, kapan bejalan ade tujuan, Idak bakalan nyasar, kalu nak kelaparan rasenye tak kade, tapi kalu nak belanje rokok beli dewek, karne banyaklah broyot buntu,” uji Wak Barab sambel tesenge.

Wak Uban juga milok tesenge. “mak mane, kalu yang beduet, pacak dak berasan. Kalu kalu tak pacak percuma be banyak beroyot toke,” tanye Wak Barab sambil minum kopi rebus jering.

Tesenge Wak Barab. “Tegantung kite Mandangnye  kanti, ade yang baek, ade yang setengah baek, ade juge yang memang kikit. Tapi kadang tu bukan kikit sebenarnye, karne same-same buntu, tapi ade juge, lah beduet, lah bemobil, rumah besak, maseh juge agak kikit,” uji Wak Barab tesenge.

Diam laju Wak Uban nengarnye. “Kalu aku, bukan tak endak negur kanti, mon betemu dengan urang dusun, ape lagi yang sukses yang beduet, agek die salah tanggap. Kite baek dengan die, agek sangkenye nak berasan, ramah dengan die agek ujinye ade kendak, lemaklah tesenyum be, sambil bejalan, jadi die merase bingsal,” uji Wak Uban.

Rupenye tabeat Wak Barab same be. “Jela nian kanti, lemaklah buntu lagi, dari pade nak berasan, karne memang sudah tabeat urang dusun, biar buntu asak dak merepotke urang,” uji Wak Barab.

Ape yang dikate   Wak Barab benar juge. “Makenye kalu urang nak jadi calon ape be, kite dukung tulus ikhlas, tapi jangan ngarapke imbalan, karne kalu die jadi, kite milok senang, name dusun kite terangkat, ape lagi keluarga dewek, mati-matian mak mane supaye die jadi, kalu die jadi senang nian ati, mak dibaso,” Kate Wak Uban.(mang mukri)

Komentar

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Berita Lain-nya