oleh

Ilang Penciuman

BANYAK nian warga ngaku ilang Penciuman, ilang perasa gara-gara penebaran virus coron. Ai Wak Bahaye tu.

Rupenye pengakuan urang di segale dusun lah terjangkit gale dengan virus Corona, karne urang banyak tu lah tau ciri-ciri Corona,  tapi Idak diperikse di puskesmas be.

“Kalu kamek lah serumah kene Corona tu, idung katek Penciuman, mulut katek rase, awak mak dikeroyok urang sekampung saket gale, perut melilit sakit, awak panas  dingin, tapi akhirnye ilang dewek penyakit tu” uji kanti Wak Barab tak pule pening dengan korona.

Laju Wak Barab betanye dengan kantinye. “Ai kanti, kalu ilang penciuman tu gerot juge kau, masok kakus cuma pacak nyelek tai be, tapi tak tecium mambunye, ape lagi kalu nyenggol bini, tambah tak temambu bau masamnye, paling tangan be pacak cual cuil,” uji Wak Barab.

Laju tesenyum Wak Uban nengar omongan Wak Barab. “Kalu dengan bini dewek tak perlu nak cual – cuil, kapan kepingin lanjakke, tapi kalu senang same senang, jangan be makse, nah laju bebala didalam kemlambu,” kelakar Wak Uban, disengeke Cek Leha.

Bukan maen senangnye nengar omongan Cek Leha. “Nah itulah kendak cek, namenye Lanang banyak permintaan, tapi Idak be mintak tanggung makan dengan bini. Kapan ade Lanang ditanggung bini, ngirim surat be ke malaekat izroil supaye punam, nyareke bini be,” senge Wak Uban. (mang mukri)

Komentar

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Berita Lain-nya