oleh

Kayu Lime Tujuh

MEMANG rombongan tu galak nian begesa tentan plitik, kapan mulai begesa lupe wak tu, kadang idak ingat makan, tapi sayang dak katek nak  ambisi jadi pemimpin. Cacam wak ye.

Memang kalu urang idak ambisi nak jadi urang hebat, dipakselah maseh dak galak. Tapi kalu diajak begesa plitik masuk gale, pacak gale nilai kekurangan dengan kelebean urang.
“Kalu urang plitik tu, segale jadi, karne dalam aturan plitik tinggal ngaturnye kite dewek, asak ade duet, ade kendak, ade naseb jaditula,” uji Wak Uban.
Stuju Wak Barab nengarnye. “Sudah tu ade sukatan tangan kanti. Kalu nak begaya bae, rai nemenlah merengut, ngomong besak, galak nganggap urang remeh, sekarunglah duet diamburke maseh tak tepileh, urang luat,” uji wak Barab tesenge.
Ngangkat jempol Wak Uban. “Wew mak itu kanti ye, tapi kalu care bagus, ramah, baek, gakak sedekah, idak sombong, modal banyak, jaditulah, tapi aku heran, ngape kau tak nyalon pemimpin kanti,” tanye wak Uban.
Tesenge-sange be Wak Barab. “Nak nyalon tu nak siap kanti, siap mental siap modal, siap perang. Jangan ke nak nyalon, dicalonke be tak galak, soalnye, kagek kayu lime tujo melantak palak, awak lah ade bini nak jadi calon pemimpin rumah tangge kedue, ” uji wak Barab bekelakar. (Mang Mukri)
BACA JUGA :  Penggelola DHD Farm tak Pernah Lapor

Komentar

Tinggalkan Balasan

Alamat email Anda tidak akan dipublikasikan.

Berita Lain-nya